!!! WARNING: EXTREME CONTENT AHEAD !!! Fire WEBSITE OF THE YEAR 1996 Fire !!! BEST VIEWED WITH A 28.8k MODEM !!!
Skull       Skull

BatchNode on Render

Dancing Baby Local
Dancing Cat

YouTube Ad-free a en dan

YouTube-a advertisement (ads) tam lutuk hian min tibuai thin em em a, a bik takin mobile-ah phei chuan a ninawm hle thin a ni. Desktop ah chuan ad block extension te hmangin ad block te a awlsam a ,Mobile a erawh chuan Chrome extension a hman theih loh vang hian Brave Browser te a hranpa liau a install te a ngai a mahse browser a youtube en hi mobile ah chuan a remchang ber lo a.

YouTube Vanced hi kalo hmang thin a, mahse Google lamin an rawn block tak hnu khan a thlaktu ReVanced hi a lo chhuak a, vawiin thlengin hei hi a la tha ber ni hian ka hria a.

Vanced atanga ReVanced-ah

A hma khan Vanced chu ‘pre-built’ a sem chhuak thin a ni a, install a awlsam em em a. Mahse, legal issues avangin an chawlhsan a ngai ta a. ReVanced thung erawh hi chu ‘patcher’ a ni a, YouTube original app kha kan duh dan angin kan patch zawk a ni. Hei hian a himna leh a danna (ads blocking) a titha zawk a ni.

Mamawh te

ReVanced hmang tur hian a hnuaia mite hi kan install hmasak a ngai ang:

  1. GmsCore (MicroG thlaktu): YouTube-a kan Google Account kan luh (login) theih nan a pawimawh ber a ni.
  2. ReVanced Manager: Hei hi patcher ber chu a ni a, YouTube app original kha ads-free-ah a rawn siam dawn a ni.
  3. YouTube APK (Target Version): ReVanced Manager-in a hman theih tur version dik tak kan mamawh a ni.

Step-by-Step

  1. MicroG/GmsCore install hmasa ber rawh: Hei hi i install loh chuan YouTube i luh (open) rualin a thi (crash) nghal ang. Install hmasak ber loh pawn a pawi chuangloa mahse install chu a ngai.
  2. ReVanced Manager install rawh: Manager hi hawng la, ‘Patcher’ section-ah lut rawh.
  3. YouTube APK thlang rawh: Manager-in ‘suggested version’ a rawn tarlan kha APKMirror atangin download la, Manager atang chuan ‘Select from storage’ hmangin thlang rawh.
  4. Patch & Install: ‘Patch’ tih kha hmet la, a zawh hnuah ‘Install’ rawh.

Atawpna atan

ReVanced hian ads a dan mai bakah SponsorBlock leh Background Play te a chhawm tel vek a ni.

He project hi open-source a ni a, a hnuaia link-ah hian release thar ber te i download thei ang:

Revanced manager hi Revanced Manager Download atang pawh a download theih a, mahse a chunga GitHub repo-ah hian latest release a duh tan chuan a awlsam zawk.

MicroG hi F-Droid atang pawh download theih a ni a, an Repository atang pawh download theih a ni e.

Note: Hei hi keima hman ve thin dan a ni a, version a inthlak reng avangin an official site-a thar ber en fo a tha ang.

Gumball