English
Ka nu chu March 10, 2025, zantieng khan a boral a.
Ka unauhai ta dinga sek taka ka um a ngai ti ka hriet leiin ka sûn ve naw ni awm takkin sek tak chun ka um a.
A hmangaitu tamtak inhuoltu neia thi ani a. A hun hnuhnung taka chun a kut chu ka chel a, lungngai lo din kan cha a, ngaituo ka ngai nawh ti ka hril bawk a.
Ka unaunu naupang lem chu final exam a nei leiin tuition-ah aum a. Ka call a, a hung thlung hnung minute iemani zat hnungah ka nu chu a boral ta a.
A parte lak khawm hai
Kum thum liemta sung a sul cancer hi a lo do ve anta a. Chemotherapy round hni a lak hnung khawma a hriselna chu a tlanuoi pei chu kan en liem el ta a. A pawi kati chuong naw — thina hi anhma naw leh a hnung achun mi tu el ta ding khawm hin a hung thlung ding ani si leiin. A zaitea a hriselna a tlakhnuoi chu a ta ding chun lo harsa in rinum sienkhawm , inbuotseina ding hun ami pek a. chulei chun ka lawm lem anih.
Ka nute le ka pi chunga khawm ka lawm a. Ama enkawl dingin an chenna in le sungkuo an suoksan a, ka unaunu khawm, a hun hnuhnung tieng a bula um dingin Mizoram anthawk a hung leiin. Chun a vuina ding mi buotsei peka mi buoipui pek tu khawtlang mipui mi ṭhangpuitu popo chungah lawmthu ka hril bawk.
Ka ta dinga hung inlang ruol tlawmte—Rocky leh Pangir chungah lawmthu ka hril bawk a. Mak tak el chun an pahni hin nu le pa chan ta anlo ni ve khit a. Rocky hin hla ami pek a, nasa takin insungah ami pui bawk a, a chungah ka lawm hle. “Ka nu leh pa pahnih an thi khan i hung ve a, chulei chun ka theihnghil naw che,” a ti deu khit a. Kum tam tak lo inbie ta naw inla khawm, a hung inlang tho a. Iengtikam ani chun hienga ami ngaituona hi thung kir thei kan beisei.