Ka Leiin Lo Lungngai Naw Rawh
Ka nu thi leia ka dinhmun in thleng hi inzakpui naw thei kan nawh asanchu iengkim a kan nghatna ani leii , aman’ ka ni dan ang taka ami pawm kha a ngaidan anin ṭawm pui ta si nawh. Ami liemsan-na ahin thlamuongna ka nei kati si chun ka dinhmun ahin thlamuong a ṭul hin ka hrieta.
Muolhoi kan hung thlak hma a ka nun kalo hmang dan hai ka ngaituo a , kan hung inpem a kha khawvel ka chel zing tum a ka hun kalo hmang pei hai ka ngaituo a , Bethany kan hung thla a in kan bawl a inthleng danglam ka tum leia ruol tak ngiel khom pâwl lova kalo inkhum hai ka ngaituo a , iengkim hi ani dan ding taka anher ding chun iengkim ei tuok hai hi pawm thiem a ṭul hle anih ti kan hrietsuok a.
Ka dinhmun ahin ka lungawi a , ka hma tieng ka ngaituo in ka thla a muong anih.
Ka um dan in zir naw châng um sien khawm ka tum anih, fel hai, ṭawngdan hai, zainem hai.
Taksa thila khawm iengkhawm hi ka theinaw thil a um naw a , ka peinaw thil khawm an naw a , thaw a ṭul naw leia ka thaw naw chu tuhin thaw a ṭul ta a , lawm takkin thaw kata, ka thil lo thaw taphot haia ka hlawtling hlak angin , hlawtlingna chang nawk katih.
Ka dinhmun hi dinhmun ṭha ana, vannei tak kanih ti kan hriet.
Lungngaina ding ka neinaw a , lungrilsawlna ding khawm ka nei nawh chuleiin lunginsiet khawm ka um nawh , lawmpui ka um lem anih.
Ka ngainat mi tlawmte mi ngainatu hai lo hriet ding hi thil hi ka hung hril anih.
