Awmho Ringawt Kha
Engmah ka ziah lohna arei leh tawh em a ,ziah tur nei hran lo mah ila rawn ziak ve hrim hrim ila.
Ka ngaihtuah chang hian khawiah mah hian ka leng ve tak tak hian ka inhre ngai lo reng reng a mahse hei ka rawn sawi hi mi khawngaih hlawh beisei a rawn sawi ka ni lo a — tuman ka thuziak tehi an chhiar dawn lo tih pawh ka hre si a. Ka nihna ve hrim hrim a ni mai a, ka lungngaiin ka mangang chuang lo.
Ka nu leh pa an la dam laia harsa em ema kan awmho lai kha ka hriat phak tawkah chuan ka hun hlut ber a ni hial ang hi katia. Han ngaihtuah chuan in khata kan awm ho ringawt pawh kha a lo va hlu tak em. Kha pindan kha a awm tawh lo a, mahse mikhual anga ka in ngaih lo na hmun awm chhun ani a, ka leng na hmun ber ani tih hi ka theihnghilh ngai lo.
He website pawh hi ka hnung leh hma hnutchhiah tur leh ka ngaihtuahna ah ka liam bo mai loh nan min khing bet tu atana ka hman a ni. Mi tam tak chuan mi mal bik nih tehi hi hreawm turah an ngai thin a, mahse ka tan chuan a letling thlawt a ni. Khawi hmunah mah tel ve tumna leh leng tumna rilru ka neih loh vanga ka nihna ang taka ka awm theih a ka duh ang tak sawi tullo ka rawn sawi te pawh hi , tuma hriat loh a ka leng-na hmun chhin-chhiahna chu ani e.
